ლევან მახაშვილი: რა ფასი აქვს იმ დოკუმენტს, რომლისთვისაც ჩალის ფასი აქვს საქართველოს მოსახლეობის არჩევანს?!

13 Feb. 2025, 15:28

"საზოგადოებისთვის საჯარო გახდა ევროპარლამენტის კიდევ ერთი რეზოლუციის პროექტი, რომელიც საქართველოს ეხება.
რა ფასი აქვს იმ დოკუმენტს, რომლისთვისაც ჩალის ფასი აქვს საქართველოს მოსახლეობის არჩევანს?!
რა ფასი აქვს დოკუმენტს იმ ინსტიტუტისგან, რომელიც თანადგომის და ურთიერთგაგების ნაცვლად, თავის რეზოლუციებში გაკეთებული მოწოდებებით ეკონომიკური კოლაფსისა და რუსეთთან დაპირისპირებისთვის სწირავდა საქართველოს?! და დღეს ვხედავთ, თავად ნატოს უსაფრთხოების ქოლგას ამოფარებულებმა, როგორ შეატოვეს უკრაინა რუსეთს.
რა ფასი აქვს იმ დოკუმენტს, რომელშიც მიხეილ სააკაშვილი თურმე პოლიტიკური პატიმარია და რომელიც მის გათავისუფლებას ითხოვს?!
რა ფასი აქვს იმ დოკუმენტს, რომელიც უკვე მერამდენედ, ტყუილებით და დეზინფორმაციით არის გაჯერებული?!
რა ფასი აქვს იმ დოკუმენტს, რომელიც ვიწროპოლიტიკური ინტერესებით არის ნაკარნახევი და არა ინსტიტუციური ინტერესებით?!
რა ფასი აქვს იმ დოკუმენტს, რომელსაც თავად ევროკავშირშიც არ აქვს ფასი?
ამ დოკუმენტს არ აქვს სხვა ფუნქცია, გარდა საქართველოს შიდა საქმეებში გაუმართლებელი, უხეში და პირდაპირი ჩარევა და დაძაბულობისთვის ნავთის დასხმა.
ამით ევროპარლამენტის ეს პოლიტიკური ჯგუფები საქართველოსა და საქართველოს მოსახლეობასთან მისაბრუნებელ გზას იჭრიან.
ჩვენთვის ძვირფასია გრძელვადიანი ინსტიტუციური ურთიერთობები, ამიტომ ყველაფერს გავაკეთებთ ამ კავშირების შენარჩუნებისა და ევროპარლამენტის ჯანსაღ პოლიტიკურ ძალებთან იმ საკითხებზე მუშაობისთვის, რაც რეალურად მნიშვნელოვანია ჩვენი მოსახლეობისთვის."

ბოლო ამბები: