ირაკლი კობახიძე მსოფლიო მთავრობათა სამიტში მიიღებს მონაწილეობას, რომელიც 11-13 თებერვალს, არაბთა გაერთიანებულ საამიროებში, დუბაიში გაიმართება. ამის შესახებ ინფორმაციას მთავრობის ადმინისტრაციის პრესსამსახური ავრცელებს.

ქართული ოცნების პრემიერი სამიტზე სიტყვით 11 თებერვალს გამოვა.

დელეგაციაში ირაკლი კობახიძესთან ერთად შედიან ოცნების ეკონომიკისა და მდგრადი განვითარების მინისტრი ლევან დავითაშვილი, საგარეო საქმეთა მინისტრი მაკა ბოჭორიშვილი, იუსტიციის მინისტრი ანრი ოხანაშვილი და მთავრობის ადმინისტრაციის უფროსი ლევან ჟორჟოლიანი.

2025 წლის მსოფლიო მთავრობათა სამიტის მთავარი თემა "მომავლის მთავრობების ჩამოყალიბებაა" და მას წელს ექვსი ათასზე მეტი მონაწილე ეყოლება.