თბილისში, შინაგან საქმეთა სამინისტრომ ნარკოდანაშაულის ბრალდებით, 1964 წელს დაბადებული ო. გ. დააკავა.

შსს-ს განცხადებით, სამართალდამცველებმა, დაკავებულის პირადი ჩხრეკისას, 6 აბი მეთადონის მარილი და 14 აბი ბუპრენორფინის შემცველი ნარკოტიკული საშუალება ამოიღეს.

გამოძიება საქართველოს სისხლის სამართლის კოდექსის 260-ე მუხლის მე-3 ნაწილის ა ქვეპუნქტით მიმდინარეობს, რაც დიდი ოდენობით ნარკოტიკული საშუალების უკანონო შეძენა-შენახვას გულისხმობს.