აშშ-ის პრეზიდენტმა დონალდ ტრამპმა პირობა დადო, რომ BRICS-ის ქვეყნებს 100%-იან ტარიფებს დაუწესებს, თუ ისინი გადაწყვეტენ შექმნან საკუთარი ვალუტა აშშ დოლარის ჩასანაცვლებლად.

"იდეა, რომ BRICS-ის ქვეყნები ცდილობენ დოლარს ჩამოშორდნენ, მაშინ როცა ჩვენ გვერდზე ვდგავართ და ვუყურებთ, უკვე წარსულს ჩაბარდა. ჩვენ ამ ქვეყნებისგან მოვითხოვთ ვალდებულების აღებას, რომ ისინი არ შექმნიან ახალ BRICS-ის ვალუტას და არ დაუჭერენ მხარს სხვა ვალუტას, რომელიც შეცვლის ძლიერ აშშ დოლარს, წინააღმდეგ შემთხვევაში, ისინი 100%-იანი ტარიფების წინაშე დადგებიან და უნდა დაემშვიდობნენ თავიანთი პროდუქციის გაყიდვის შესაძლებლობას დიდ ამერიკულ ეკონომიკაში." — აღნიშნა ტრამპმა.

ტრამპი წერს, რომ არ არსებობს შანსი, რომ BRICS-მა დოლარი ჩაანაცვლოს საერთაშორისო ვაჭრობაში და ის ქვეყნები, რომლებიც ამას ცდილობენ, მიესალმონ ტარიფებს, პრეზიდენტის თქმით, უნდა დაემშვიდობონ ამერიკას.
ორმხრივი ანგარიშსწორებისთვის ახალი ვალუტის შექმნის იდეას აქტიურად უჭერს მხარს რუსეთი, რომელიც აშშ-ისა და ევროკავშირის სანქციების ქვეშ იმყოფება. ამ გზით მას სურს დოლარზე დამოკიდებულების შემცირება და საერთაშორისო ფინანსური სისტემების შეზღუდვების თავიდან აცილება.

BRICS-ის წევრები არიან ბრაზილია, რუსეთი, ინდოეთი და ჩინეთი, მოგვიანებით ორგანიზაციას შეუერთდნენ სამხრეთ აფრიკა, ირანი, ეგვიპტე, ეთიოპია, არაბთა გაერთიანებული საამიროები და ინდონეზია.