"არცერთი ეს მოძალადე სამართალდამცველი 60 დღის თავზეც კი არა თუ დაჭერილი, ამის ფონზე კი პოლიციელისთვის სილის გარტყმაზე მზია ამაღლობელი ციხეში ზის", — ამის შესახებ სოციალურ ქსელში საზოგადოებრივი მაუწყებლის თანამშრომელი გენო ოსიყმაშვილი წერს და სპორტული საზოგადოების წარმომადგენლებთან ირაკლი კობახიძისა და მთავრობის წევრების შეხვედრის ფონზე საპროტესტო აქციის ბმულს აზიარებს.

ჟურნალისტი ბათუმელების და ნეტგაზეთის თანადამფუძნებელს და დირექტორს სოლიდარობას უცხადებს.

"კანონის აღსრულება პირველ რიგში სამართლიანი უნდა იყოს და მხოლოდ ამის შემდეგ "წესრიგის დამამყარებელი".

სამართალდამცველების მიერ მიმდინარე აქციებზე ნაცემი დემონსტრანტები რუსთაველის გამზირიდან პირდაპირ საავადმყოფოს ქირურგიულ განყოფილებებში საოპერაციო მაგიდებზე აღმოჩნდნენ. სამართლისა და წესრიგის დამცველები თავს დაესხნენ ჟურნალისტებს. რამდენიმე პოლიციელი ერთე მოქალაქეს უსწორდებოდა, ძირს დაგდებულ ადამიანს წიხლებიც ჩაარტყეს, ცხვირი მოტეხეს და სახის ძვლები გაუტეხეს.. და არცერთი ეს მოძალადე სამართალდამცველი 60 დღის თავზეც კი არა თუ დაჭერილი, ან საქმეს ჩამოშორებული, არამედ გამოძიების მიერ ფორმალურად მაინც ამოცნობილიც არ არის… ამის ფონზე კი პოლიციელისთვის სილის გარტყმაზე მზია ამაღლობელი ციხეში ზის. და სახელმწიფო ბრალდება სილის გარტყმისგან გამოწვეული ტკივილის გამო, მისთვის 3-დან 7 წლამდე პატიმრობის შეფარდებას ითხოვს. თან იმდენად მკაცრად, რომ სილის გარტყმისთვის გირაოს შეფარდებაზეც უარი ეთქვა.

ეს მოცემულობა სამართლიანი, ან თუნდაც კანონიერი როგორ არის? მზია ამაღლობელი მე-18 დღეა ამის გამო შიმშილობს.

თავისუფლება და სოლიდარობა მზია ამაღლობელს!, — წერს სოციალურ ქსელში გენო ოსიყმაშვილი.