აზერბაიჯანის პრეზიდენტის განცხადებით, ბაქო-თბილისი-ყარსის რკინიგზის საქართველოს მონაკვეთის გაყვანას აშშ ეწინააღმდეგებოდა. ამის შესახებ ინფორმაცია ტელეგრამზე გავრცელდა. ალიევი იწმუნება, რომ ამის მიზეზი ამერიკის პროსომხური პოლიტიკაა.

"ჩვენ დიდ წინააღმდეგობას წავაწყდით, როდესაც ბაქო-თბილისი-ყარსის პროექტზე მუშაობა დავიწყეთ. ახლა შემიძლია ამის შესახებ ვისაუბრო. განსაკუთრებით წინააღმდეგი იყო აშშ. მიზეზი კი მათი პროსომხური პოლიტიკაა, ეს პროექტი სომხეთზე შემოვლით კეთდებოდა". — თქვა ალიევმა.

აზერბაიჯანის პრეზიდენტის განცხადებით, წინა ხელისუფლებასთან შეთანხმებას ვერ მიაღწია და რამდენიმეწლიანი მოლაპარაკებების შემდეგ, მოქმედ ხელისუფლებასთან შეძლო გარიგება.

ბაქო-თბილისი-ყარსის სარკინიგზო მაგისტრალის აშენების შესახებ დეკლარაციას თურქეთისა და საქართველოს პრეზიდენტებმა ხელი 1996 წელს თურქეთი-ყარსის სარკინიგზო მშენებლობის დეკლარაციას მოაწერეს.

პროექტის განხორციელება 2007 წელს, სამმხრივი ხელშეკრულების ხელმოწერის შემდეგ დაიწყო. რკინიგზის მშენებლობის ვადა რამდენჯერმე ფინანსური, რელიეფური და პოლიტიკური სიძნელეების გამო გადაიდო.

ბაქო-თბილისი-ყარსის მაგისტრალი 2017 წლის 30 ოქტომბერს გაიხსნა.