შემოდგომის დადგომასთან ერთად, ლარის გაუფასურების მორიგი ტალღა დაიწყო. ბოლო ათი დღის განმავლობაში, ეროვნული ვალუტა, დოლართან მიმართებით, ექვსი თეთრით გაუფასურდა.

ჯერ კიდევ 23 აგვისტოს $1-ის ღირებულება, ეროვნული ბანკის მონაცემებით, ₾2,39 იყო. 5 სექტემბრის ოფიციალური კურსით კი, $1-ის შესაძენად 2,45 ლარია საჭირო. სავალუტო ჯიხურებში დოლარი უფრო ძვირი ღირს.

რაც შეეხება ლარის კურსს ევროსთან მიმართებით 1 ევროს ღირებულება, ეროვნული ბანკის კურსით, 2,9177 ლარია. 23 აგვისტოს 1 ევროს ღირებულება 2,81 ლარი იყო.