ბელარუსში საპრეზიდენტო არჩევნები იმართება. საარჩევნო უბნები ადგილობრივი დროით 08:00 საათზე გაიხსნა და 20:00 საათზე დაიხურება.

ქვეყნის მასშტაბით, ჯამში, 5 325 საარჩევნო უბანია გახსნილი. აქედან 207 საავადმყოფოებში, სანატორიუმებში და დროებითი განთავსების სხვა ადგილებში. ამომრჩეველთა სიაში 6.9 მილიონზე მეტი ადამიანია შეყვანილი.

პრეზიდენტობას მეშვიდე ვადით გეგმავს ალექსანდრ ლუკაშენკო, ის ქვეყნის პირველი და ამ დრომდე ერთადერთი პრეზიდენტია. ის ბელარუსს 1994 წლიდან მართავს. სწორედ ამ წელს ჩატარდა პირველი საპრეზიდენტო არჩევნები.

ბელარუსის პრეზიდენტის პოსტზე ხუთი კანდიდატი იბრძვის:

  • ალექსანდრ ლუკაშენკოს გარდა, არჩევნებში კიდევ 4 კანდიდატი მონაწილეობს.
  • ბელორუსის ლიბერალ-დემოკრატიული პარტიის ლიდერი — ოლეგ გაიდუკევიჩი;
  • შრომისა და სამართლიანობის რესპუბლიკური პარტიის ლიდერი — ალექსანდრე ხიჟნიაკი;
  • ბელორუსის კომუნისტური პარტიის ცენტრალური კომიტეტის პირველი მდივანი — სერგეი სირანკოვი;
  • წინა არჩევნების ყოფილი კანდიდატი, მეწარმე, უპარტიო — ანა კანოპაცკაია.
  • ბიულეტენებს ასევე აქვს გრაფა — "ყველას წინააღმდეგ".

მანამდე, 21-25 იანვრის ჩათვლით წინასწარი ხმის მიცემა გაიმართა, სადაც აქტივობამ 41,81 % შეადგინა.

ცნობისთვის, ბელარუსის წინა საპრეზიდენტო არჩევნები, სადაც ლუკაშენკომ მეექვსე ვადით აირჩიეს პრეზიდენტად, 2020 წლის აგვისტოში გაიმართა. ალექსანდრე ლუკაშენკო 30 წელია, 1994 წლიდან, მართავს ქვეყანას.

2020 წლის არჩევნების შედეგების გაყალბებასა და დარღვევებს მასობრივი საპროტესტო აქციები მოყვა. ოპოზიციონერმა სვეტლანა ტიხანოვსკაიამ საკუთარი თავი გამარჯვებულად გამოაცხადა. მისი გუნდის მტკიცდებით, მან ხმების 60-დან 70%-მდე მიიღო, რის შემდეგაც მან დასავლეთის ქვეყნებს პრეზიდენტად აღიარების თხოვნით მიმართა. არჩევნებმა საერთაშორისო აღიარება ვერ მოიპოვა.