გვესმის მისი განცხადებები, რომ საჭიროა ყველაფერი გავაკეთოთ მესამე მსოფლიო ომის თავიდან ასაცილებლად. მივესალმებით ამ დამოკიდებულებას და ვულოცავთ აშშ-ს არჩეულ პრეზიდენტს თანამდებობის დაკავებას, — ამის შესახებ რუსეთის ფედერაციის პრეზიდენტმა, ვლადიმერ პუტინმა რუსეთის უშიშროების საბჭოს წევრებთან შეხვედრაზე განაცხადა. მისი თქმით, რუსულ-ამერიკული ურთიერთობების გაუარესებაში რუსეთის ბრალეულობა არ არის და ამაში აშშ-ს წინა პრეზიდენტის ადმინისტრაციაა დამნაშავე.

"ჩვენ ვხედავთ აშშ-ის ახლად არჩეული პრეზიდენტისა და მისი გუნდის წევრების განცხადებას რუსეთთან პირდაპირი კონტაქტების აღდგენის სურვილის შესახებ, რომელიც წასულმა ადმინისტრაციამ ისე გაწყვიტა, ჩვენ ამაში ბრალეულობა არ გვაქვს. ჩვენ ასევე გვესმის მისი განცხადებები იმის შესახებ, რომ საჭიროა ყველაფერი გავაკეთოთ მესამე მსოფლიო ომის თავიდან ასაცილებლად. რა თქმა უნდა, ჩვენ მივესალმებით ამ დამოკიდებულებას და ვულოცავთ აშშ-ს არჩეულ პრეზიდენტს თანამდებობის დაკავებას", — განაცხადა პუტინმა რუსეთის უშიშროების საბჭოს წევრებთან შეხვედრაზე.

მან დასძინა: "მინდა ხაზგასმით აღვნიშნო, რომ ჩვენ არასდროს გვითქვამს უარი დიალოგზე და ყოველთვის მზად ვიყავით შეგვენარჩუნებინა მშვიდი და თანამშრომლობითი ურთიერთობები ნებისმიერ ამერიკულ ადმინისტრაციასთან. ამაზე უკვე არაერთხელ ვილაპარაკე — გამოვდივართ იქიდან, რომ დიალოგი უნდა იყოს დამყარებული თანასწორუფლებიანობის და ურთიერთპატივისცემის საფუძველზე, იმ მნიშვნელოვანი როლის გათვალისწინებით, რომელსაც ჩვენი ქვეყნები ასრულებენ გლობალური დღის წესრიგის მთელ რიგ ძირითად საკითხებში, მათ შორის სტრატეგიული სტაბილურობისა და უსაფრთხოების განმტკიცებაში", — თქვა პუტინმა.