3 სექტემბრიდან, მრავალეროვნული სამხედრო სწავლება Agile Spirit 2017 დაიწყება. ამის შესახებ ინფორმაციას თავდაცვის სამინისტრო ავრცელებს. გახსნის ოფიციალური ცერემონიალი ორფოლოს საწვრთნელ პოლიგონზე გაიმართება.

უწყების ცნობით, Agile Spirit 2017-ის ოფიციალურად გახსნას საქართველოს პრეზიდენტი გიორგი მარგველაშვილი და თავდაცვის მინისტრი ლევან იზორია დაესწრებიან.

მრავალეროვნული სწავლება Agile Spirit 2017 საქართველოს შეიარაღებული ძალების და აშშ-ის საზღვაო ქვეითების ორგანიზებით გაიმართება. სამხედრო სწავლების სცენარი სტაბილურობის, შეტევა-თავდაცვით ოპერაციებს ემყარება.