ამერიკის შეერთებულმა შტატებმა $25 მილიონ დოლარამდე გაზარდა ჯილდო ინფორმაციისთვის, რომელიც ვენესუელის ლიდერის ნიკოლას მადუროს დაპატიმრებას შეუწყობს ხელს. გადაწყვეტილება დღეს, 10 იანვარს გახდა ცნობილი როდესაც მადურო საპრეზიდენტო ფიცს დებს.

გავრცელებული ინფორმაციით, ჯილდო ასევე გამოცხადებულია ვენესუელას შინაგან საქმეთა მინისტრზე, დიოსდადო კაბელოზე.

ახალი, $15-მილიონიანი ჯილდოა დაწესებული თავდაცვის მინისტრზე, ვლადიმირ პადრინოზეც.

ამასთან, გაერთიანებულმა სამეფომ სანქციები დაუწესა ვენესუელას 15 მაღალჩინოსანს, მათ შორის მოსამართლეებს, უსაფრთხოების ძალების წევრებს და სამხედრო მაღალჩინოსნებს.

ბრიტანეთის საგარეო სამინისტროს თქმით, თანამეგობრობისა და განვითარების ოფისმა განაცხადა, რომ სანქცირებული პირები პასუხისმგებელნი არიან "დემოკრატიის, კანონის უზენაესობისა და ადამიანის უფლებების მძიმე დარღვევაზე".

შეგახსენებთ, რომ დღეს, აშშ-ის არჩეულმა პრეზიდენტმა, დონალდ ტრამპმა, ვენესუელას პრეზიდენტად მადუროს ოპონენტი, ედმუნდო გონსალესი აღიარა.