ოცნების პრემიერმინისტრი, ირაკლი კობახიძე ევროსაბჭოს გენერალურ მდივანს, ალენ ბერსეს, ვიზიტის ფარგლებში, მეორედ ხვდება. შეხვედრა მთავრობის ადმინისტრაციაში მიმდინარეობს.

ალენ ბერსე საქართველოში 18 დეკემბერს ჩამოვიდა. ვიზიტის ფარგლებში, ის კობახიძეს 18 დეკემბერს შეხვდა. გარდა ამისა, ბერსე შეხვდა ბიძინა ივანიშვილს, ოცნების პარლამენტის თავმჯდომარეს, შალვა პაპუაშვილს, ოპოზიციური პარტიის წარმომადგენლებს, არასამთავრობო ორგანიზაციების წევრებს, აქციაზე დაშავებულ ჟურნალისტებსა და დემონსტრანტებს.