ესტონეთის საგარეო საქმეთა მინისტრი, მარგუს ცაჰკნა აშშ-ს და გაერთიანებული სამეფოს მიერ, ადამიანის უფლებების სერიოზული დარღვევების გამო ქართველ პირებზე სანქციების დაწესებას გამოეხმაურა და აღნიშნა, რომ მიესალმება ამ გადაწყვეტილებას.

ამის შესახებ მარგუს ცაჰკნა სოციალურ ქსელში წერს.

"მივესალმები, რომ შეერთებულმა შტატებმა და გაერთიანებულმა სამეფომ სანქციები შემოიღო საქართველოს სამთავრობო ოფიციალური პირების წინააღმდეგ ადამიანის უფლებების სერიოზული დარღვევებისთვის.

იმედი მაქვს, რომ ევროკავშირი კონკრეტულ ნაბიჯებს გადადგამს, რათა პასუხი აგებინოს მათ, ვინც ძირს უთხრის საქართველოში დემოკრატიას.

სოლიდარულები ვართ ქართველ ხალხთან", — წერს ესტონეთის საგარეო საქმეთა მინისტრი, მარგუს ცაჰკნა.