მამუკა მდინარაძე: აწი თუ ვინმე მხარს დაგვიჭერს, ჯერ ვიკითხავთ ხოლმე მადლობა რამე უხერხულობას ან პრობლემას ხომ არ შეუქმნის

18 Dec. 2024, 13:19

"ღია წყაროებში ვრცელდებოდა ინფორმაცია, რომ უნგრეთი, სლოვაკეთი და სხვა ქვეყნები უჭერდნენ მხარს საქართველოს. რომელი სხვა ქვეყნები? თუ არა ეს სამი ქვეყანა, მაშინ უნდა გვითხრან, ვიღაცამ უნდა გაბედოს და დაასახელოს. ლუქსემბურგზეც იყო საუბარი და რადგან ჩვენ ჩვენს მიერ მოპოვებული ინფორმაციით უტყუარად არ გვიდასტურდებოდა, ირაკლი კობახიძეს არ უხსენებია. მათ შორის, ღია წყაროებშია მოხსენიებული რუმინეთი.
წარმოიდგინეთ, რიკარდ იოზვიაკი, რომელიც წინასწარ ავრცელებს ხოლმე განცხადებებს […] რაც შემდეგ ყოველთვის დასტურდება. მის ინფორმაციაში ნახსენებია რუმინეთი. რატომ მოხდა ისე, რომ იოზვიაკის განცხადებაში იყო ნახსენები და რუმინეთმა მყისვე უარყო ეს ინფორმაცია? რა ხდება ისეთი, რომ ან იოზვიაკი იტყუება დავუშვათ, ან რაღაც სხვასთან გვაქვს საქმე. ჩვენ აღარ ჩავაყენებთ უხერხულ მდგომარეობაში არავის, ნახევრად ხუმრობით, მაგრამ მაინც უნდა ითქვას, აწი თუ ვინმე მხარს დაგვიჭერს, ჯერ ვიკითხავთ ხოლმე მადლობა რამე უხერხულობას ან პრობლემას ხომ არ შეუქმნის და ამის შემდეგ გადავუხდით ხოლმე მადლობას"

ცნობისთვის, "ოცნების" პრემიერმა 17 დეკემბერს მადლობა გადაუხადა ხუთ ქვეყანას - ქართველი ხალხის მხარდამჭერი პოზიციის დაფიქსირებისთვის, აღნიშნული ხუთი ქვეყნიდან სამმა - იტალიამ, ესპანეთმა და რუმინეთმა, განცხადებიდან რამდენიმე საათში, ეს ინფორმაცია უარყვეს.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

გამოქვაბულებში ჩხრიალა გველის ულამაზესი სახეობა აღმოაჩინეს