"ბარსელონასა" და "რეალ მადრიდის" ქართველი გულშემატკივრები ერთობლივ აქცია-მსვლელობას გეგმავენ, რომელიც ხვალ, 15 დეკემბერს, გაიმართება.

მათ ორი მთავარი მოთხოვნა აქვთ: პროტესტის გამო დაკავებული ყველა პატიმრის გათავისუფლება და ახალი არჩევნები.

"ჩვენს პლანეტაზე რთულია მოძებნონ ერთმანეთთან იმაზე მეტად დაპირისპირებული ორი პოლუსი, ვიდრე რეალისა და ბარსელონას გულშემატკივრები ვართ. თუმცა, მიმდინარე მოვლენების ფონზე, გვსურს, გავხდეთ ქართველების ერთიანობის კიდევ ერთი მაგალითი, მრავალთა შორის.

დღეს ჩვენ ვდგავართ გვერდიგვერდ და ვითხოვთ:

  • პროტესტის გამო დაკავებული ყველა პატიმრის გათავისუფლებას;
  • ახალ არჩევნებს.

ამ მოთხოვნებით კვირას, 16:00 საათზე შევიკრიბებით და გავმართავთ ერთიან მსვლელობას თბილისში, ფილარმონიის მიმდებარე ტერიტორიიდან.

ერთად გავიმარჯვებთ!", — წერია განცხადებაში.