რუსთაველის გამზირზე მიმდინარე საპროტესტო აქციას დიზაინერების მარში შეუერთდა.

პარლამენტის შენობასთან უამრავი ადამიანია შეკრებილი, რომლებიც შემოერთებულ მოქალაქეებს ოვაციებით შეხვდნენ.

დიზაინერები ვაკის პარკის ტერიტორიაზე შეიკრიბნენ და პარლამენტისკენ მსვლელობით გადაინაცვლეს. მომიტინგეებს შეუერთდებიან მთამსვლელებიც, რომლებიც ცალკე მარშს მართავენ.

საკანონმდებლო ორგანოსთან მისული ადამიანები "ქართული ოცნების" ერთკანდიდატიან საპრეზიდენტო არჩევნებში მიხეილ ყაველაშვილის გამარჯვებას აპროტესტებენ. კენჭისყრის განმავლობაში პარლამენტთან მოქალაქეებმა დიპლომები მიიტანეს, ნაწილი კი ბურთით თამაშობდა.

ამ სახით აქციის მონაწილეებმა საკუთარი დამოკიდებულება გამოხატეს მიხეილ ყაველაშვილის მიმართ, რომელსაც დიპლომი არ გააჩნია და ყოფილი ფეხბურთელია.