საერთაშორისო არასამთავრობო ორგანიზაცია Amnesty International-მა გაავრცელა ვიდეო საქართველოში არსებულ ვითარებაზე, სადაც ჩანს კადრები, თუ როგორ ურტყამენ სამართალდამცავები და უცნობი, ნიღბიანი პირები პროევროპული აქციის მონაწილე მოქალაქეებს და ოპოზიციური ტელევიზიების გადამღებ ჯგუფებს.

ორგანიზაცია მოუწოდებს საქართველოს ხელისუფლებას, რომ შეწყვიტონ ძალადობრივი ქმედებები დემონსტრანტებისა და ჟურნალისტების წინააღმდეგ. ამასთან, მოუწოდებენ დაკავებულების გათავისუფლებას.

"საქართველოს ხელისუფლებამ დაუყოვნებლივ უნდა შეწყვიტოს დემონსტრანტებისა და ჟურნალისტების დარბევა და გაათავისუფლოს ისინი, ვინც უბრალოდ თავიანთი უფლებების მშვიდობიანად განხორციელებისთვის დააკავეს", — წერს Amnesty International სოციალურ ქსელში.