მთავარი არხის ერთ-ერთი დირექტორი გიორგი ქურდაძე განცხადებას ავრცელებს, სადაც წერს, რომ ყველა ტყუილზე უპასუხებს შესაბამისი დოკუმენტებით.

"დღეს და გუშინ მთავარი არხის დირექტორი გიორგი გაბუნია და არხის იურისტი დიმიტრი საძაგლიშვილი აცხადებენ, რომ თურმე მე ხელს ვუშლი დაზღვევის თანხის გადახდას ამ კრიტიკულად მნიშვნელოვან დროს.

და სწორედ, დღეს მივიღე მეილით პსპ-ს დაზღვევისგან წერილი, რომ მთავარ არხს არ გადაუხდია დაზღვევის თანხა 2020 წლიდან და დავალიანება დაგროვილია 818,921.50 ლარი (რვა ასი ათასი ლარი).

საერთოდ, რას ემსახურებოდა ან ვის ინტერესებში იყო გუშინდელი აბსურდული გამოსვლა გიორგი გაბუნიასი და დღეს მოსული წერილი, თქვენ გასაზღვრეთ.

ყველა ტყუილზე ვუპასუხებ შესაბამისი დოკუმენტებით, რასაც ასე ურცხვად ტირაჟირებენ.

დაზღვევის თანხას არ უხდიდა სადაზღვევო კომპანიას ჯერ ნიკა გვარამია 2020 წლიდან და მერე გიორგი გაბუნია დღემდე. მე რა შუაში ვარ!", — წერს გიორგი ქურდაძე.

პსპ-ს დაზღვევის წერილი

პსპ-ს დაზღვევის წერილი

ამავე თემაზე:

გიორგი გაბუნია: ზაზა ოქუაშვილმა გადაწყვიტა, დახუროს "მთავარი არხი"

ზაზა ოქუაშვილი: ტელეკომპანიის დახურვაზე არც მიფიქრია

ზაზა ოქუაშვილი: მზად ვარ, რომ ჩავერთო პირდაპირ ეთერებში, გიორგი გაბუნიას მიერ გაკეთებული განცხადებების საპასუხოდ