აღფრთოვანებული ვარ ქართველი ხალხის გამბედაობით, რომელიც უარს ამბობს ქვეყნის ევროპული ოცნების დათმობაზე, — ამის შესახებ ჩეხეთის პრეზიდენტი პეტრ პაველი საქართველოს პრეზიდენტ, სალომე ზურაბიშვილთან საუბრის შემდეგ წერს. მისი თქმით, ქართველ ხალხს ჩეხების სრული მხარდაჭერა აქვს.

"ახლახან საქართველოს პრეზიდენტს, სალომე ზურაბიშვილს ვესაუბრე. თბილისსა და სხვა ქალაქებში დემონსტრანტების, ჟურნალისტებისა და პოლიტიკური ოპოზიციის წარმომადგენლების წინააღმდეგ ძალადობა მიუღებელია. აღფრთოვანებული ვარ ქართველი ხალხის გამბედაობით, რომელიც უარს ამბობს თავისი ქვეყნის ევროპული ოცნების დათმობაზე. მათ ჩვენი სრული მხარდაჭერა აქვთ", — წერს X-ზე ჩეხეთის პრეზიდენტი პეტრ პაველი.