სახალხო დამცველმა, ლევან იოსელიანმა, ტვ პირველის პირდაპირ ეთერში შეშფოთება გამოხატა თბილისის ქუჩებში მომხდარ თავდასხმებთან დაკავშირებით და მოუწოდა შსს-ს და საპატრულო პოლიციის ხელმძღვანელობას აღკვეთოს ის ძალადობა, რომელიც უცნობი, ნიღბიანი პირებისგან მოქალაქეებზე ხორციელდება.

მან ასევე აღნიშნა, რომ შესაბამის თავდასხმის ფაქტები უნდა იყოს პოლიციის მიერ ადგილზევე აღკვეთილი.

"რაც ვიხილეთ ჩვენც და მოქალაქეებმაც, ამით შოკირებული ვართ, წარმოუდგენელია რასაც ხდება თბილისის ქუჩებში.

მოვუწოდებ შსს-ს და საპატრულო პოლიციის ხელმძღვანელობას, რომ აღკვეთოს რასაც ჩვენ ვუყურებთ ქუჩებში და ყველა ვინც პასუხისმგებელია ის ადამიანები მისცენ პასუხისგებაში, ამაზე უფრო მეტი რა უნდა ვნახოთ, როცა არაფორმალური ჩაცმული ადამიანი თავს ესხმიან ჟურნალისტებს, ადამიანებს და ამაზე შესაბამისი რეაგირება, პოლიცია უნდა იყოს მისული", — თქვა იოსელიანმა.

მისი თქმით, ადამიანების ჯანმრთელობასა და უსაფრთხოებაზე სახელმწიფოა პასუხისმგებელი.

"ადამიანის ჯანმრთელობაზე და უსაფრთხოებაზეც პასუხისმგებელია სახელმწიფო. ამ შემთხვევაში, რაც იქ ხდება პასუხისმგებელია ის საპოლიციო დანაყოფები, რომლებიც იქ იმყოფებოდნენ, ამაზე კითხვის ნიშნის დასმაც ზედმეტია. კიდევ ერთხელ მოვუწოდებ ყველას, რომ აღკვეთონ ეს, რასაც ჩვენ ახლა ქუჩებში ვხედავთ, ქუჩაში სიტყვით თუ დაუპირისპირდნენ ადამიანები ერთმანეთს, მორევამდე მივა საქმე — ამაზე მეტი კი არ არის სამოქალაქო დაპირისპირება, სამოქალაქო ომი, რაც უკვე გავლილი აქვს ქვეყანას.

ძალიან საშიშ ზღვარზე ვართ, ამ არაფორმალური ჯგუფების, თუ შავებში ჩაცმული ადამიანების თარეში უნდა აღიკვეთოს და პასუხისგება უნდა დადგეს სუყველასი აუცილებლად", — ამბობს სახალხო დამცველი.