თბილისის საქალაქო სასამართლოს მოსამართლე თამარ მჭედლიშვილმა გადაწყვეტილება მიიღო, რომლის მიხედვითაც ჯგუფურ ძალადობაში მონაწილეობის ბრალდებით დაკავებულ მსახიობს, ანდრო ჭიჭინაძეს, ასევე, იუმორისტ ონისე ცხადაძესა და კიდევ 4 პირს აღკვეთის ღონისძიების სახით პატიმრობა შეეფარდათ.

დღევანდელ ხდომაზე, სადაც დაკავებულების: ნდრო ჭიჭინაძის, ონისე ცხადაძის, ჯანო არჩაიას, რუსლან სივაკოვის, ლუკა ჯაბუას და გურამ მირცხულავას მიმართ აღკვეთის ღონისძიების შეფარდებაზე იმსჯელეს, პროკურატურა მათი ყველაძე მკაცრი აღკვეთის ღონისძიების პატიმრობის გამოყენებას ითხოვდა.

პროკურორები დაკავებულების მხრიდან მიმალვის, ახალი დანაშაულის ჩადენისა და მტკიცებულებების განადგურების საფრთხეებზე მიუთითებდნენ, რის გამოც ყველაზე მკაცრი აღკვეთის ღონისძიების პატიმრობის გამოყენებას ითხოვდნენ.

ბრალდების მხარე დაკავებულების მხრიდან ჩადენილი ქმედების ხასიათსა და სიმძიმეზე აპელირებდა.

ამასთან, დაცვის მხარე არ დაეთანხმა პროკურატურის შუამდგომლობას, ხოლო ყველა მათგანი ასაბუთებდა, რომ დაკავებულებს არ ჩაუდენიათ დანაშაული

ადვოკატებმა ითხოვდნენ ბრალდებულების აღკვეთის ღონისძიების გარეშე დატოვებას და სასამართლოს ალტერნატივად გირაოს განსაზღვრას სთავაზობდნენ.

ცნობისთვის, მსახიობ ანდრო ჭიჭინაძეს, იუმორისტ ონისე ცხადაძესა და კიდევ 4 პირს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინა, რაც ჯგუფურ ძალადობაში მონაწილეობას გულისხმობს და ითვალისწინებს სასჯელის სახედ და ზომად 4-დან 6 წლამდე თავისუფლების აღკვეთას.

კულტურისა და სხვა სფეროს წარმომადგენლებმა, რომლებიც სხდომას ესწრებოდნენ, უკმაყოფილების გამოხატვის სახით, მოსამართლის გადაწყვეტილებას შემდეგი შეძახილებით შეხვდნენ: "სირცხვილია", "მონებო".