საგარეო საქმეთა ყოფილი მინისტრი მიხეილ ჯანელიძე ოცნების პრემიერს, ირაკლი კობახიძეს საზოგადოებრივ მაუწყებელზე სადისკუსიოდ იწვევს. — ამის შესახებ სოციალურ ქსელში მიხეილ ჯანელიძემ. დაწერა. ირაკლი კობახიძემ მთავრობის სხდომაზე განაცხადა, რომ მზად არის ნებისმიერ საკითხზე საჯარო ან არასაჯარო დისკუსიისთვის გულწრფელ ადამიანებთან, ვინც ხელისუფლების მიერ მიღებული გადაწყვეტილებები სხვანაირად გაიგო.

"მგონი, კარგად მიცნობთ და ჩემს გულწრფელობაში ეჭვი არ უნდა შეგეპაროთ. თუ რაიმე შედეგს მიაღწია ქართულმა ოცნებამ ევროინტეგრაციის გზაზე, მოკრძალებული წვლილი მეც მიმიძღვის. ამასთან, არც რომელიმე პოლიტიკურ პარტიას წარმოვადგენ და არც ძალაუფლებისთვის ვიბრძვი", — მიმართავს ჯანელიძე ირაკლი კობახიძეს.

ოცნების პრემიერმინისტრი მიიჩნევს, რომ საქართველოში წაკითხულის და მოსმენილის გააზრების სერიოზული პრობლემაა.