საქართველოს პარლამენტის წევრი ქართული ოცნებიდან გია ვოლსკი ამბობს, რომ საქართველოს ხანძრების სერია საოკუპაციო ხაზთან ანტისახანძრო ხნულების გავლების შემდეგ დაიწყო. მოსაზრებას დეპუტატი ფეისბუკზე ავრცელებს.

"ნაჩქარევი დასკვნები არაა მიზანშეწონილი, თუმცა დივერსიის რეალობაზე ფიქრის და შესაბამისი მოქმედებების საფუძველი რეალურად არსებობს! ასეთ დროს საზოგადოების ყურადღებაც მნიშვნელოვანია. ძალები საკმარისია, ყველაფერი კარგად იქნება", - წერს დეპუტატი.

უკვე მეხუთე დღეა ბორჯომის რაიონში, წაღვერის ტყეში ხანძარია. 20 აგვისტოდან დღემდე სახანძრო ჯგუფების მუშაობის მიუხედავად, ხანძარი ტყის ნაწილში მაინც მძვინვარებს. ხანძრის ჩასაქრობ სამუშაოებში ჩართულები არიან როგორც საქართველოს, ისე მეზობელი ქვეყნების ასეულობით მეხანძრე, ათეულობით სახანძრო ავტომობილები და 10-მდე საჰაერო ტექნიკა.