20 ნოემბერს გამთენიისას თსუ-ს მიმდებარედ აქციის ხელახალი დაშლის შემდეგ, ჭავჭავაძის გამზირზე მიმდინარე აქციაზე მყოფ სტუდენტთა ნაწილი თბილისის სახელმწიფო უნივერსიტეტის I კორპუსში შევიდა. 19 ნოემბრიდან სტუდენტთა ნაწილი, სტუდენტური მოძრაობა მაისი თსუ-ს რექტორის, ჯაბა სამუშიას და თსუ-ს ადმინისტრაციის გადადგომას ითხოვს.

გავრცელებული ინფორმაციით, უნივერსიტეტის ადმინისტრაციამ სტუდენტებს გამოუყო აუდიტორია, სადაც მათ მისცა უფლება, რომ დასხდნენ და გამოხატონ პროტესტი. მათი თქმით, თსუ-ში არანაირი შინაგან საქმეთა სამინისტროს თანამშრომლები არ ყოფილან, თუ იყვნენ 5 წუთი და მათ ამის შესახებ წინასწარი ინფორმაცია არ ჰქონიათ, რადგან თსუ-ს ეზო საჯარო სივრცეა.