ევროკავშირის საგარეო საქმეთა საბჭო, დღეს, 18 ნოემბერს საქართველოში არსებულ ვითარებაზე იმსჯელებს. ინფორმაცია ევროსაბჭოს ვებგვერდზე ვრცელდება.

საგარეო საქმეთა საბჭო ბრიუსელში, 18 ნოემბერს, თბილისის დროით 11:30 საათზე დაიწყება და მას ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ჯოზეფ ბორელი უხელმძღვანელებს.

საქართველოში მიმდინარე მოვლენებზე მსჯელობის გარდა, სხდომის დღის წესრიგშია: რუსეთის აგრესიაზე უკრაინის წინააღმდეგ, ევროკავშირი-აშშ ურთიერთობები და მდგომარეობა ახლო აღმოსავლეთში.