გარემოს ეროვნული სააგენტოს სინოპტიკოსმა On.ge-ს უთხრა, რომ ბორჯომში, ხვალ, 23 აგვისტოს საღამოს, ნალექია მოსალოდნელი. ქარის სიჩქარე დღეს ხუთ მეტრ/წამამდე შესაძლოა შემცირდეს, ხვალ კი 7-8 მ/წმ-ის სიჩქარის ქარია მოსალოდნელი.

სინოპტიკოსები დღეს და 24 აგვისტოდან ბორჯომში ნალექს არ ვარაუდობენ.

Meteo.Gov.Ge

გარემოს ეროვნული სააგენტოს საიტზე წერია, რომ ბორჯომში დღეს, 22 აგვისტოს, მიზანი ამინდი იქნება, თუმცა 23 და 24 აგვისტოს ქალაქში წვიმაა მოსალოდნელი.

წვიმასთან ერთად მოიმატებს ქარის სიქჩარეც და ის 23-დან 25 აგვისტოს განმავლობაში 10-15 მეტრი წამში იქნება.

პარასკევს, 25 აგვისტოს, ქალაქში წვიმა არ არის მოსალოდნელი. ტემპერატურა 28 გრადუსამდე გათბება.

AccuWeather

30 აგვისტომდე ბორჯომში წვიმა არაა მოსალოდნელი AccuWeather-ის მიხედვით. როგორც საიტზე ვკითხულობთ, მომავალი 8 დღის განმავლობაში ყველაზე მაღალი ტემპერატურა ბორჯომში დღეს დაფიქსირდება და ჰაერი 32 გრადუსამდე გათბება. მომავალი დღეების განმავლობაში ტემპერატურა 26 გრადუსამდე დაეცემა, ხოლო 30 აგვისტოს ჰაერი 24 გრადუსამდე გათბება და იწვიმებს.

3-დღიანი ხანძარი ბორჯომში

უკვე მესამე ბორჯომში, სოფელ დაბის მიმდებარე ტერიტორიაზე, წაღვერის ტყეში ხანძარია. ცეცხლი თავდაპირველად რამდენიმე ასეულ კვადრატულ კილომეტრზე გაჩნდა, თუმცა ძლიერი ქარის გამო ის სწრაფად გავრცელდა.

შინაგან საქმეთა სამინისტროს ინფორმაციით, მობილიზებულია მძიმე ტექნიკა და ცოცხალი ძალა, რომელსაც ხანძრის კერამდე მისასვლელი გზა გაჰყავს. შეუჩერებლად მუშაობენ სახანძრო-სამაშველო ბრიგადები. ადგილზე იმყოფება 270 მაშველი.