ბათუმის სახელმწიფო უნივერსიტეტის სტუდენტებმა, რომლებიც არჩევნების გაყალბებას აპროტესტებენ, ღამე უნივერსიტეტის შენობაში გაათენეს.

"ღამე გავათენეთ ბსუ-ში.

მოკლედ და კონკრეტულად, ქართულმა ოცნებამ არჩევნების გაყალბების გზით წაგვართვა უკეთესი მომავალი!

ვიბრძვით სამშობლოს დასაბრუნებლად!

ვითხოვთ ხელახალ არჩევნებს!", – წერს სოციალურ ქსელში ბსუ-ს სტუდენტი არჩილ ბერიძე და ფოტოს აქვეყნებს.

სტუდენტების პროტესტი არჩევნების გაყალბებასთან დაკავშირებით ბსუ-ში გუშინ დაიწყო, რასაც უნივერსიტეტის ადმინისტრაციის უკმაყოფილება მოჰყვა. პროტესტისადმი მოწოდებამ უნივერსიტეტის იურიდიული ფაკულტეტის დეკანი ლევან ჯაყელი გააღიზიანა და სტუდენტებს ჩივილით დაემუქრა.

ბსუ-ში სტუდენტების პროტესტი სტუდენტების პროტესტი მოძრაობა მარტიანელების და მოძრაობა პერსპექტივის ორგანიზებით დაიწყო.

ბათუმის სახელმწიფო უნივერსიტეტის სტუდენტების ნაწილი ღამე უნივერსიტეტის შენობაში დარჩა და 15 ნოემბერს უნივერსიტეტის შადრევანთან აქციას დააანონსეს.

ბსუ-ს სტუდენტების პროტესტს გაყალბებული არჩევნების წინააღმდეგ ილიაუნის, თსსუ-ს და ჯიპას სტუდენტები შეუერთდნენ.