გახარია: ვიზალიბერალიზაციის შეჩერება ვთვლი, რომ იქნება არასწორი, ეს იქნება ქართველი ხალხის დასჯა

14 Nov. 2024, 12:19

"რაც შეეხება ვიზალიბერალიზაციას.

ვიზალიბერალიზაციის შეჩერება ვთვლი, რომ იქნება არასწორი, ეს იქნება ქართველი ხალხის დასჯა, იმის მაგივრად, რომ კონკრეტულად დასაჯონ ის ადამიანები, რომლებმაც არჩევნები გააყალბეს და ქვეყნის დემოკრატიულ უკუსვლაში არიან დამნაშავე.

რატომ უნდა დასაჯონ რიგითი მოქალაქეები, ახალგაზრდები. ახლა თქვენ წარმოგიდგენიათ ვიზის კეთება ადამიანებისა, რომლებსაც უბრალოდ დანაზოგი არ აქვთ, საბანკო ანგარიშს ვერ მიიტანენ, რომ თავისი ხარჯები ანახონ. და მაშინ როდესაც, ისინი ვინც ეს ყველაფერი გააკეთა და ვინ დამნაშავეა, ისინი მარტივად იფრენენ იქეთ-აქეთ, ამიტომ ვიზალიბერალიზაციის შეჩერების მაგივრად, უნდა დასანქცირდეს ის ხალხი, ვინც ქვეყანა აქამდე მიიყვანა, სხვანაირად ამას ქართველი ხალხი სწორად ვერ აღიქვამს,

ჩვენი მოწოდება ევროპელი ხალხისთვის ის იქნება, რომ: გაანებეთ თავი სავიზო რეჟიმს და მიხედეთ იმ ხალხს პერსონალურად, რომლებიც დღეს, საქართველოს დემოკრატიულ განვითარებას უშლიან ხელს"

ბოლო ამბები: