ბიონსეს სიმღერები ყველას გვიყვარს, მაგრამ უნივერსიტეტში მის შესახებ საგანს ისწავლიდით?

როგორც ჩანს, იელის უნივერსიტეტის სტუდენტები ამ კითხვას დადებითად პასუხობენ, რადგან მსოფლიოს ერთ-ერთი წამყვანი უნივერსიტეტი ბიონსეზე საგნის სწავლებას იწყებს.

ტეილორ სვიფტისა და ლედი გაგას შემდეგ, ახლა უკვე ბიონსესაც მიეძღვნება საკუთარი ადგილი იელის უმაღლეს აკადემიურ სივრცეში. სტუდენტები ისწავლიან მის შემოქმედებაზე, რომელიც ბიონსემ 2013 წლიდან დღემდე შექმნა და მის მუსიკას, კლიპებს, კონცერტების ტურებზე გადაღებულ ფილმებს გააანალიზებენ. ისინი იმსჯელებენ ბიონსეზე, როგორც საერთაშორისო მეგავარსკვლავზე, მისი წარმატების "რეცეპტსა" და მომღერლის საზოგადოებრივ გავლენაზე.

ფოტო: Getty Images

ამერიკის შეერთებულ შტატებში სხვა უნივერსიტეტებშიც ასწავლიან ბიონსეს შესახებ საგნებს, მათ შორის ტეხასის, კალიფორნიისა და არიზონას უნივერსიტეტებში.

ცნობისთვის, ბიონსემ ახლახან დაამყარა რეკორდი — წლევანდელ გრემიზე მან 11 ნომინაცია მოიპოვა, რითაც გახდა მუსიკოსი, რომელსაც ყველაზე მეტი, 99 ნომინაცია აქვს მოპოვებული მუსიკის სფეროს ყველაზე პრესტიჟულ დაჯილდოებაზე.

იხილეთ ასევე: