ცესკომ უკანონოდ და საკონტრაქტო პირობების დარღვევით Smartmatic-ის ბრენდირებული მარკერები წინა დღით ჩაანაცვლა არაბრენდირებული მარკერებით, — ამის შესახებ "ერთიანობა ნაციონალური მოძრაობის" ლიდერმა, თინა ბოკუჩავამ თბილისის საქალაქო სასამართლოში ენმ-ს ცესკოს წინააღმდეგ სარჩელის განხილვის დაწყებამდე განაცხადა. მისი თქმით, სწორედ ეს არაბრენდირებული მარკერები ტოვებდა კვალს, რომლის საფუძველზეც ილახებოდა ფარულობის და შესაბამისად თავისუფალი ნების კონსტიტუციური პრინციპები.

"ჩვენ წარმოვადგენთ ძალიან ბევრ მტკიცებულებას და კიდევ ერთხელ მოვითხოვთ, არჩევნების შედეგების სრულ ბათილობას, მათ შორის კონსტიტუციის 3 პრინციპის დარღვევის საფუძველზე, ეს არის ფარულობა, თავისუფალი ნების გამოხატვა და საყოველთაობა. ცესკომ სრულიად უკანონოდ და საკონტრაქტო პიროbების დარღვევით Smartmatic-ის ბრენდირებული მარკერები წინა დღით ჩაანაცვლა არაბრენდირებული მარკერებით, რომელსაც მტკიცებულების სახით წარვადგენთ ჩვენ დღეს სასამართლოზე, რომელიც ტოვებდა სწორედ იმ კვალს, რომლის საფუძველზეც ილახებოდა ფარულობის და შესაბამისად თავისუფალი ნების კონსტიტუციური პრინციპები", — განაცხადა ბოკუჩავამ.