რუსეთის ფედერაციის საგარეო საქმეთა მინისტრი, სერგეი ლავროვი დეკემბერში მალტაში ვიზიტს გეგმავს, რათა ევროპის უშიშროებისა და თანამშრომლობის ორგანიზაციის (ეუთო) მინისტრთა საბჭოს შეხვედრას დაესწროს — ამის შესახებ რუსულ გაზეთ Vedomosti-სთან საუბარში სამინისტროს პრესსპიკერმა, მარია ზახაროვამ განაცხადა.

თუ ეს სტუმრობა მართლაც შედგება, ლავროვისათვის პირველი ვიზიტი იქნება ევროკავშირის ქვეყანაში მას შემდეგ, რაც რუსეთი 2022 წლის 24 თებერვალს უკრაინაში შეიჭრა.

ბოლოს ლავროვმა ევროკავშირის ქვეყანაში 2021 წელს იმოგზაურა, როცა ეუთოს შეხვედრას შვედეთის დედაქალაქ სტოკჰოლმში დაესწრო.

ევროკავშირმა და აშშ-მა სერგეი ლავროვს სანქციები დაუწესეს, თუმცა ეს არ ეხება მოგზაურობას, ვინაიდან რუსეთთან დიპლომატიური ურთიერთობის არხი შენარჩუნდეს.

2023 წელს ლავროვი ეუთოს სამიტს ჩრდილოეთ მაკედონიაში დაესწრო, რამაც პროტესტი გამოიწვია ორგანიზაციის წევრთა შორის და, საბოლოოდ, პროტესტის ნიშნად შეხვედრას უკრაინის, პოლონეთისა და ბალტიისპირეთის სახელმწიფოების წარმომადგენლები არ დაესწრნენ.

ეუთო 1970-იან წლებში, ცივი ომის პერიოდში, აღმოსავლეთ და დასავლეთ ბლოკებს შორის კონსტრუქციული დიალოგის უზრუნველსაყოფად შექმნილი პლატფორმაა.