რუსეთის პრეზიდენტმა, ვლადიმერ პუტინმა განაცხადა, რომ რუსეთი უკრაინის ომთან დაკავშირებით არ აპირებს რაიმე დათმობაზე წასვლას.

პუტინის თქმით, უკრაინის კონფლიქტის მოგვარების ნებისმიერი შედეგი რუსეთისთვის სასარგებლო უნდა იყოს და დაფუძნებული ბრძოლის ველზე არსებულ რეალობაზე.

"ნებისმიერი შედეგი უნდა იყოს რუსეთის სასარგებლოდ, გულწრფელად ვამბობ, ყოველგვარი მორიდების გარეშე და ის უნდა გამომდინარეობდეს იმ რეალობიდან, რომელიც ვითარდება ბრძოლის ველზე. ყოველგვარი ეჭვის გარეშე, ჩვენ არ ვაპირებთ რაიმე დათმობაზე წასვლას, არანაირი გაცვლა არ იქნება", — თქვა რუსეთის პრეზიდენტმა.

ამასთან, პუტინმა თქვა, რომ კიევის ხელისუფლება იქცევა ირაციონალურად და ამის საფუძველზე რაიმე გეგმის შედგენა შეუძლებელია, ხოლო რაიმეზე შეთანხმების შესაძლებლობის ხსენებაც კი ნაადრევია.

"ეს არის ირაციონალური ქცევა, რომლის პროგნოზირებაც რთულია და ამის საფუძველზე შეუძლებელია რაიმე გეგმის შედგენა. ამიტომ საუბარი იმაზე, შევთანხმდებით თუ არა რაიმეზე, რაზე შევთანხმდებით, ამის ხსენებაც კი უბრალოდ ნაადრევია", – აღნიშნა პუტინმა.