OC Mediaს თანადამფუძნებელი ჟურნალისტი, მარიამ ნიკურაძე ლექსო 2024 გამარჯვებული გახდა. ის ამ პრემიაზე საფარმა, მედია აპრილმა და Chai Khana-მ წარადგინეს.

"მადლობა ლექსო ლაშქარავას იმ მსხვერპლისთვის, რა მსხვერპლის გაღებაც მოუხდა ჩვენთვის ყველასთვის.

პრიზის მიღებისას რაც ვთქვი, გავიმეორებ, რომ პრემიას შუქრუთელებს და მათ ხუთწლიან ბრძოლას ვუძღვნი და იმედი მაქვს, რომ მათი მტანჯველი და გრძელი ბრძოლა ამჯერად გამარჯვებით დასრულდება, მთელი გულით ვუსურვებ ამას უკლებლივ ყველას, ვინც ეს ხუთი წელია, იბრძვის. მადლობა მათ ნდობისთვის.

ასევე მადლობა ყველა ფოტოგრაფს და ჟურნალისტს, რომელიც ველზე ჩემს გვერდით არიან და ამ საქმეს ჩემთან ერთად აკეთებენ", — წერს მარიამ ნიკურაძე სოციალურ ქსელში.