დღეს, 15 აგვისტოს, საქართველოს პრეზიდენტმა გიორგი მარგველაშვილმა ბაზალეთზე, სტუდენტებთან საუბრისას, სადაც თემა საკონსტიტუციო რეფორმა და მასში საზოგადოების ჩართულობის მნიშვნელობა იყო, თქვა რომ ორი მოსმენით, უსწრაფესად, მოსესაც კი არ მიუღია ათი მცნება:

"ღმერთმა მე მომცა თავისუფლება და არა ვიღაც x კონსტიტუციონალისტს. შესაბამისად ის ჩემს თავისუფლებაზე რომ ლაპარაკობს და მთავარ დოკუმენტს წერს, მეც უნდა ჩამრთოს ამ პროცესში. ჯერ ჩაკეტილ კარს მიღმა მუშაობა, მერე ამ კონსტიტუციის გამოტანა და ორი მოსმენით უსწრაფესად მიღება. ორი მოსმენით, მე მგონი, მოსესაც კი არ მიუღია ათი მცნება, რომლითაც დღეს ვცხოვრობთ. არა, ორი მოსმენით მიიღო: პირველი დაამტვრია, მერე აბრუნდა და ახალი ვერსია ჩამოიტანა".

პრეზიდენტის განცხადებით, ბოლო დროს კონსტიტუციასთან დაკავშირებით განვითარებული მოვლენები პოკერის თამაშს ჰგავს:

"ამ ბოლო დროს ეს პროცესი პოკერის თამაშივით არის. ერთმანეთს უცხადებენ რაღაცეებს. ეს ყველაფერი კი ისე მიდის, რომ საზოგადოებაკვლავ არაა ჩართული. ახალი გამოცხადებაა ბუნებრივი ბარიერი თუ რაღაც ასეთი. საჭიროა ღია, ჩართული პროცესი. ეს პროცესი კიყველაზე მეტად არ მომწონს. ასევე, არ მომწონს ბონუსის სისტემა".

საქართველოს პრეზიდენტმა გიორგი მარგველაშვილმა ბაზალეთის საზაფხულო სკოლაში სტუდენტებსა და უფროსკლასელებს პროექტი წაიკითხე კონსტიტუცია მთელ საქართველოსთან ერთად გააცნო. გიორგი მარგველაშვილმა სტუდენტებსა და უფროსკლასელებთან საუბრისას ყურადღება კონსტიტუციის ძირითად ღირებულებებსა დამათი დაცვის აუცილებლობაზე გაამახვილა.