მოსკოვი დაინტერესებულია საქართველოს, აფხაზეთსა და სამხრეთ ოსეთს შორის ურთიერთობების ნორმალიზებით და იმედოვნებს, რომ თბილისის პოზიციაზე პოზიტიური ცვლილებები მომავალ მოლაპარაკებებზე აისახება და კონკრეტულ შედეგებამდე მიგვიყვანს, — ამის შესახებ რუსეთის საგარეო საქმეთა სამინისტროს წარმომადგენელმა, მარია ზახაროვამ ბრიფინგზე განაცხადა. ინფორმაციას რუსული მედია ავრცელებს.

"რუსეთი, როგორც ჟენევის საერთაშორისო მოლაპარაკებების მონაწილე ამიერკავკასიაში უსაფრთხოებისა და სტაბილურობის შესახებ და აფხაზეთის, საქართველოსა და სამხრეთ ოსეთის უახლოესი მეზობელი, სასიცოცხლოდ არის დაინტერესებული ამ სახელმწიფოებს შორის ურთიერთობების ნორმალიზებით მოსკოვი მზადაა, სრულად შეუწყოს ხელი ამ საკითხს როგორც მრავალმხრივ, ისე ორმხრივ ფორმატში“, — განაცხადა ზახაროვამ ოთხშაბათს გამართულ ბრიფინგზე.

როგორც ზახაროვამ აღნიშნა, საქართველოს ბოლოდროინდელი განცხადებები იმის შესახებ, რომ საქართველო აპირებს ბოდიშის მოხდას სამხრეთ ოსეთის ხალხისთვის იმ ომის გამო, რომელიც (საქართველოს ყოფილი პრეზიდენტის, მიხეილ) სააკაშვილის რეჟიმმა 2008 წელს აგვისტოში გააჩაღა, გარკვეულ იმედს აძლევს კრემლს.