ევროპარლამენტის საგარეო ურთიერთობათა კომიტეტის თავმჯდომარე, დევიდ მაკკალისტერი ამერიკის ხმასთან აცხადებს, რომ საქართველოში ბოლო დრო მიღებული რიგი საკანონმდებლო ცვლილებები, ევროკავშირის მთავარი შეშფოთების და საქართველოსთან შექმნილი დაძაბულობის მიზეზია.

"ევროპარლამენტმა ძალიან ნათლად თქვა, რომ ე.წ უცხოეთის გავლენის გამჭვირვალობის კანონის, ასევე ოჯახის ღირებულებების და უმცირესობების კანონის, ისევე როგორც საარჩევნო კოდექსში მიღებული ცვლილებების უკან გაწვევის გარეშე, ჩვენს ურთიერთობებში პროგრესი არ იქნება", — გვეუბნება მაკკალისტერი.

ამერიკის ხმასთან საქართველოში რუსეთის მზარდ გავლენაზეც წუხს დევიდ მაკკალისტერი.

"ევროპარლამენტი ნამდვილად გამოხატავს ღრმა შეშფოთებას საქართველოში რუსეთის გავლენის გაზრდის გამო, მათ შორის, გაზრდილი სავაჭრო კავშირების გამო, რუსეთსა და საქართველოს შორის. ასევე მზადყოფნის გამო, [საქართველომ] განაგრძოს რუსეთთან შერიგება, მიუხედავად რუსეთის ომისა უკრაინაში და საქართველოს სუვერენული ტერიტორიის ოკუპაციისა. ეს ნამდვილად გასაოცარია", — აცხადებს ევროპარლამენტის საგარეო ურთიერთობათა კომიტეტის თავმჯდომარე.