საქართველოს ღია მმართველობის პარტნიორობის (OGP) წევრობა შეუჩერდა. მთავრობამ ამასთან დაკავშირებით ინფორმაცია 16 ოქტომბერს მიიღო.

OGP-მ წევრობის შეჩერებასთან დაკავშირებით საქართველოს მთავრობა ჯერ კიდევ მაისში გააფრთხილა. გაზაფხულზე OGP-მ მთავრობას მოუწოდა, კანონპროექტი უკან გაეწვია, წინააღმდეგ შემთხვევაში კი წევრობის შეჩერების შესაძლებლობას გაუსვა ხაზი.

ღია მმართველობის პარტნიორობა, რომლის ლიდერიც ერთ დროს საქართველო იყო, 75 მთავრობასა და სამოქალაქო საზოგადოების ათასობით ორგანიზაციას აერთიანებს. ორგანიზაციის მიზანს ღია, ეფექტიანი და გამჭვირვალე მმართველობის მიღწევა წარმოადგენს.

საქართველო OGP-ის წევრი 2012 წელს გახდა, 2014 წლიდან კი მმართველი კომიტეტის წევრი იყო. 2018 წელს ორგანიზაციის თავმჯდომარე ქვეყნის რანგში OGP-ის მე-5 გლობალურ სამიტს საქართველომ თბილისში უმასპინძლა. 2019 წელს წევრმა ქვეყნებმა საქართველო კიდევ ერთხელ აირჩიეს OGP-ის მმართველი კომიტეტის წევრად სამი წლის ვადით.