გავრცელებული ცნობებით, უნგრული ავიაკომპანია Wizz Air თელ-ავივიდან და თელ-ავივის მიმართულებით 2025 წლის 14 იანვრამდე ყველა ფრენას აუქმებს. მიზეზი, ავიაკომპანიის ცნობით, ახლო აღმოსავლეთში არსებული კონფლიქტური სიტუაციაა.

"რეგიონში არსებული სიტუაციიდან გამომდინარე, Wizz Air დროებით შეაჩერებს ფრენებს თელ-ავივიდან და თელ-ავივის მიმართულებით 2025 წლის 14 იანვრის ჩათვლით", - წერია ავიაკომპანიის ოფიციალურ ვებგვერდზე.

ავიაკომპანია მომხმარებლებს, რომლებსაც ამ მიმართულებით ფრენის ბილეთები უკვე შეძენილი ჰქონდათ, სხვადასხვა სახის ანაზღაურებას შესთავაზებს.