26 ოქტომბრის საპარლამენტო არჩევნების გამო, "რაზდახანის", იგივე "მოსაბრუნის", და "პერევის" საგუშაგოები ჩაიკეტება, — აღნიშნული გადაწყვეტილება ოკუპირებული ცხინვალის ე.წ. "უშიშროების საბჭოს" ოპერატიულ სხდომაზე მიიღეს, რომელსაც ე.წ. პრეზიდენტი, ალან გაგლოევი თავმჯდომარეობდა.

გაგლოევის პრესსამსახურის განმარტებით, ე.წ. საზღვარი ჩაიკეტება „სამხრეთ ოსეთის მოსახლეობის უსაფრთხოების უზრუნველსაყოფად და საქართველოს პროდასავლური და ნაციონალისტური რადიკალური ძალების მხრიდან შესაძლო პროვოკაციების გამორიცხვის მიზნით“.

"დასავლეთის ქვეყნების სადაზვერვო სამსახურები და საელჩოები უკვე ღიად აკეთებენ და ყველაფერს გააკეთებენ იმისათვის, რომ საპარლამენტო არჩევნების დროს საქართველოში სიტუაცია კონტროლიდან გამოიყვანონ", — განაცხადა გაგლოევმა შეხვედრაზე.

გადასასვლელები 25-28 ოქტომბერს იქნება ჩაკეტილი.