ლიტვის საგარეო საქმეთა მინისტრმა ლინას ლინკევიჩიუსმა, დღეს, 11 ივნისს, ევროკავშირს საქართველოსთვის უვიზო რეჟიმის შემოღების დაჩქარებისკენ მოუწოდა. ინფორმაციას აზერბაიჯანული პრესა ავრცელებს.

მანამდე, 8 და 10 ივნისს, ევროკავშირის მუდმივმა წარმომადგენლებმა საქართველოსთვის სავიზო ლიბერალიზაციის დაწესების შესახებ გადაწყვეტილება ვერ მიიღეს.

"ვიზალიბერალიზაციის მიღების საკითხის გაჭიანურება საქართველოს არ დაუმსახურებია" - განაცხადა ლიტვის საგარეო საქმეთა მინისტრმა და დასძინა, რომ გასულ წლებში მოლდოვამ მიიღო ვიზალიბერალიზაცია ევროკავშირის 24 ქვეყანასთან და რეფორმების კუთხით მას იგივე მდგომარეობა ჰქონდა, რაც საქართველოს.

ევროკავშირის 5 ქვეყანა ბულგარეთი, ესტონეთი, ლატვია, ლიტვა და რუმინეთი ბრიუსელის წარმომადგენლებს მოუწოდებს, რომ საქართველოსთვის უვიზო რეჟიმი დააწესოს.

სავიზო ლიბერალიზაციის საკითხს 20 ივნისს, ევროკავშირის საგარეო საქმეთა მინისტრები განიხილავენ.