პოპულარული ქართული სერიალი ცვალებადი ნიშნები მაყურებელს მალე მე-3 სეზონით დაუბრუნდება. ახალი სეზონის მორიგი თიზერი ცოტა ხნის წინ გავრცელდა და მან არაერთი კითხვა დაბადა.

ერთწუთიან ვიდეოში ნაცნობ პერსონაჟებთან ერთად ახალი სახეებიც ჩნდებიან, მათ შორის, ქართველი მომღერალი ნანკა გვარი. მოქმედება კი ზღვისპირეთში ინაცვლებს, სადაც, როგორც ჩანს, ბევრი საზაფხულო რომანი გველოდება... მთავარი ინტრიგა თიზერის ბოლოსაა — ია ფარულავას პერსონაჟს, სოფიას, თეთრ საქორწილო კაბაში ვხედავთ.

ცვალებადი ნიშნების მე-3 სეზონის პირველი თიზერი ჯერ კიდევ ივნისში გავრცელდა და მაშინ შევიტყვეთ, რომ სერიალში ახალი პერსონაჟის როლში, არც მეტი, არც ნაკლები, საქართველოს ნაკრების ფეხბურთელი ბუდუ ზივზივაძე ჩნდება.

ფოტო: კავეა პლუსი

კავეა პლუსისა და ქართულ-ამერიკული უნივერსიტეტის (GAU) თანამშრომლობით შექმნილი პირველი ქართული სტუდენტური სერიალი, ცვალებადი ნიშნები, მაყურებელმა პირველად 2023 წლის ზაფხულში იხილა. სერიალს ოთხი მთავარი გმირი ჰყავს: ნატა, ნენე, ირაკლი და ოთო, მაგრამ სიუჟეტი მათი ოჯახის წევრების, მეგობრების, ლექტორებისა და თანაკურსელების ირგვლივაც ტრიალებს.

ახალბედა მსახიობებთან ერთად, ცვალებად ნიშნებში ქართველი მაყურებლისთვის კარგად ცნობილი ვარსკვლავებიც ჩნდებიან, მათ შორის, ია ფარულავა, ნანკა კალატოზიშვილი, ირაკლი კვირიკაძე, ნინო ქორიძე, აპოლონ კუბლაშვილი და ნატალია ყულოშვილი. სერიალის რეჟისორი სოსო ბლიაძე და ნიკუშა წულაძე არიან, სცენარი კი ბექა ადამაშვილს, მარიამ გურგენიშვილსა და ნინო ბინიაშვილს ეკუთვნით.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…