როიტერსის ცნობით, იტალია 2025 წლიდან დამატებით 10 ათას სამუშაო ვიზას გასცემს მათთვის, ვინც ქვეყანაში ხანდაზმული და შეზღუდული შესაძლებლობის მქონე ადამიანების მოსავლელად ჩადიან.

იტალია მრავალი წელია მზრუნველად მომუშავეთა ნაკლებობას განიცდის, ეს კი იმ ფონზე, როდესაც ქვეყანაში ხანდაზმულთა რიცხვი იმატებს, ხოლო ახალშობილთა მაჩვენებელი მცირდება.

გავრცელებული ინფორმაციით, 2023-2025 წლებში 452 000 სამუშაო ვიზის გაცემაა დაგეგმილი, რაც წინა სამი წლის პერიოდთან შედარებით 150%-ით მეტია.

იტალია აკონკრეტებს, რომ მკაცრ შემოწმებას გაივლიან იმ ქვეყნებიდან შემოსული აპლიკაციები/აპლიკანტები, რომლებიდანაც თაღლითების შემოდინების მაღალი რისკია.