The Financial Time-ის ცნობით, აშშ-ის პრეზიდენტმა, ჯო ბაიდენმა თანამდებობის დატოვებამდე შესაძლოა უკრაინის NATO-ში გაწევრიანების განაცხადის სტატუსის ცვლილებას დათანხმდეს.

27 სექტემბერს, ზელენსკისა და ჯო ბაიდენის შეერთებულ შტატებში შეხვედრის შემდეგ ცნობილი გახდა, რომ შტატების პრეზიდენტი 12 ოქტომბერს გერმანიაში უკრაინისა და მისი მოკავშირეების შეხვედრას უხელმძღვანელებს.

მედია, რომელიც ზელენსკისა და ბაიდენს შორის შემდგარ მოლაპარაკებებზე გავრცელებულ ინფორმაციებს ფლობს განაცხადა, რომ არებობს გარკვეული ნიშნები იმის, რომ ბაიდენი თანამდებობის დატოვებამდე უკრაინის NATO-ში გაწევრიანების სტატუსის ამაღლებას დათანხმდეს. დაზუსტებული არ არის “სტატუსის ამაღლებას” რა შეიძლება მოჰყვეს.

უკრაინის პრეზიდენტმა გასულ დღეებში თქვა რომ ოქტომბერი იქნება “გადაწყვეტილებების თვე”. ზელენსკი ასევე დასავლეთის მიერ მოწოდებული იარაღის რუსეთის ტერიტორიაზე გამოყენების ნებართვას ითხოვს.

"ეს არის რუსეთის შესაძლებლობების შეზღუდვა და გარკვეული ზეწოლის მოლაპარაკებების დასაწყებად. თუ ჩვენ ამ ომის დამთავრებაზე ვფიქრობთ, ეს რეალური შანსია” — განაცხადა ზელენსკიმ.