რესპუბლიკური პარტია არჩევნებში კენჭს თავისუფალი დემოკრატებისგან დამოუკიდებლად იყრის. ამის შესახებ პარტიის ერთ-ერთმა ლიდერმა ლევან ბერძენიშვილმა On.ge-ს განუცხადა.

როგორც ლევან ბერძენიშვილი ამბობს, თავისუფალი დემოკრატების გადაწყვეტილების შესახებ ინფორმირებულები იყვნენ, თუმცა დეტალებზე არ საუბრობს.

რესპუბლიკელების არჩევნებში მონაწილეობასთან დაკავშირებით მას შემდეგ გაჩნდა კითხვა, რაც მათ კოალიციაში შემავალმა პარტიამ - თავისუფალმა დემოკრატებმა არჩევნებში არ მონაწილეობის შესახებ განცხადება გაავრცელეს.

პარტიებმა გაერთიანებისა და არჩევნებში ერთად მონაწილეობის შესახებ მიმდინარე წლის მაისში ისაუბრეს.