23 სექტემბერს, საქართველოს ეროვნულმა მუზეუმმა, ლევილის ისტორიული-მემორიალური მუზეუმის ეზოში, აუქციონი გამოაცხადა ქართული ვაზის ჯიშის გასაშენებლად.

განცხადებაში ნათქვამია, რომ ხელშეკრულების გაფორმებიდან 12 თვეში იჯარის უფლებით გადაცემულ ქონებაზე, ქართული ჯიშის ვაზი უნდა გაშენდეს. აუქციონში მონაწილეობა შესაძლებელი იქნება 30 სექტემბრის 17 საათამდე.

"ლევილის მამულში ქართული ვაზი საქართველოს სახელმწიფომ 2026 წლის 23 სექტემბრამდე უნდა მოაშენოს, როგორც ამას ითვალისწინებს 2016 წლის 23 სექტემბერს ფრანგი ნოტარიუსის წინაშე გაფორმებული, მამულის გადმოცემის აქტი. იჯარის პირობების თანახმად, ხელშეკრულების გაფორმებიდან 12 თვეში იჯარის უფლებით გადაცემულ ქონებაზე უნდა გაშენდეს ქართული ჯიშის ვაზი; 48 თვეში კი ბიო წარმოება უნდა დაიწყოს. ყოველწლიურად წარმოებული ბიო ღვინის 20% კი ლევილის მამულს უნდა გადაეცეს უსასყიდლოდ. გათვალისწინებული ვალდებულებების შესასრულებლად მოიჯარემ უნდა გააკეთოს არანაკლებ 100 000 ევროს ინვესტიცია (მათ შორის არანაკლებ 10 000 ევროს ინვესტიცია ერთი მღვიმის მოსაწყობად). სარგებლობაში გადაცემის ვადაა 10 წელი. ყოველწლიური საიჯარო ქირის გადახდა მოხდება წელიწადში ერთხელ. აუქციონში გამარჯვებულმა კომპანიამ უნდა წარმოადგინოს იჯარის ხელშეკრულების გაფორმებამდე ბიო ღვინის წარმოების არანაკლებ ერთწლიანი გამოცდილების დამადასტურებელი დოკუმენტი, ასევე შესაბამისი საბანკო გარანტია" — აღწერილია განცხადებაში.