ABC News-ის ინფორმაციით, უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთ-უკრაინის ომი "დასასრულთან ახლოსაა". მან მოკავშირეებს უკრაინის არმიის გაძლიერებისკენ მოუწოდა.

"გამარჯვების გეგმა უკრაინის გაძლიერებაა. სწორედ ამიტომ ვთხოვთ ჩვენს მეგობრებს და პარტნიორებს ჩვენს გაძლიერებას. ეს ძალიან მნიშვნელოვანია [...] ვფიქრობ, რომ მშვიდობასთან იმაზე ახლოს ვართ, ვიდრე ვფიქრობთ. ჩვენ ომის დასრულებასთან ახლოს ვართ", — განაცხადა უკრაინის პრეზიდენტმა.

წყაროს თქმით, ზელენსკიმ არაერთხელ მიმართა შეერთებულ შტატებსა და დიდ ბრიტანეთს გრძელი დიაპაზონის იარაღის რუსეთის ტერიტორიაზე გამოყენების უფლების მოთხოვნით.

ამასთან, რუსეთის პრეზიდენტმა, ვლადიმერ პუტინმა, გაფრთხილება მისცა, რომ დასავლური იარაღის გამოყენება რუსეთის წინააღმდეგ განხილული იქნება, როგორც ომის ესკალაციის პირდაპირი მოწოდება NATO-ს მხრიდან.

ზელენსკის თხოვნა, კურსკის რეგიონში უკრაინის ოპერაციიდან რამდენიმე კვირის შემდეგ, აღმოსავლეთ უკრაინაში ინტენსიური ბრძოლის ფონზე გაკეთდა.

მედიასთან ინტერვიუში ზელენსკიმ განაცხადა, რომ პუტინს კურსკის ოპერაციის ომის ესკალაცია.

"ეს სინამდვილეა. მას [პუტინს] ძალიან ეშინია. რატომ — იმიტომ რომ მისმა ხალხმა დაინახა, მას [პუტინს] არ შეუძლია მათი.. ყველა ტერიტორიის დაცვა", — თქვა ზელენსკიმ.