გასული წელი HBO-სთვის წარმატებული აღმოჩნდა, სხვა ყველაფერს რომ თავი დავანებოთ, სწორედ 2016 წელს შედგა არხზე ბოლო დროის ერთ-ერთი ყველაზე წარმატებული სერიალი Westworld-ის პრემიერა, რომელმაც სატელევიზიო შოუების ყველა წამყვანი დაჯილდოების პრიზი ან ნომინაცია მიიღო.

გულშემატკივრები დიდი მოლოდინით ელიან ახალი სეზონის დაწყებას, თუმცა, როგორც გაირკვა, HBO სერიალს ეკრანზე 2019 წელს დააბრუნებს, ამის მიზეზი კი გადაღებების დროს წარმოქმნილი სირთულეები და სამეფო კარის თამაშების მერვე და ფინალური სეზონი პრემიერაა.

ცოტა ხნის წინ ცნობილი გახდა ისიც, რომ შოუში მატებაა და ახალ სეზონში სამ ახალ პერსონაჟს გავიცნობთ, მათ როლებს კი ფარეს ფარესი, ბეტი გაბრიელი და სერიალ ვიკინგების ვარსკვლავი გუსტავ სკარსგარდი შეასრულებენ.

ფარეს ფარესი

ბეტი გაბრიელი

გუსტავ სკარსგარდი

კითხვაზე, თუ რას უნდა ველოდეთ შოუს მეორე სეზონისგან, სერიალის შემქმნელი ლიზა ჯოი პასუხობს, რომ ახალი ნაწილი ძალიან საინტერესო და ამბიციურია.

"ჩვენ უკვე დავიწყეთ მეორე სეზონზე მუშაობა, რომელიც ამბიციურია და მაყურებელს ბევრი სიურპრიზი ელის. კარგად გავერთობით, მადლობა HBO-ს ასეთი შესაძლებლობებისთვის", ამბობს ინტერვიუში ლიზა.

აღსანიშნავია ისიც, რომ სცენარისტებმა სერიალ დაკარგულების პრაქტიკა გამოიყენეს და მსახიობებს მხოლოდ გადაღების წინ აძლევდნენ სცენარს.