საქართველოს მთავრობის პრესსამსახურის ინფორმაციით, საქართველოს პრემიერ-მინისტრი ირაკლი კობახიძე 22-26 სექტმბერს აშშ-ს ეწვევა. იგი 25 სექტემბერს გაეროს გენერალური ასამბლეის 79-ე სესიაზე სიტყვით გამოვა.

"მთავრობის მეთაური ამერიკის შეერთებულ შტატებს 22-26 სექტემბერს ეწვევა. ნიუ-იორკში ვიზიტის ფარგლებში, ირაკლი კობახიძე მონაწილეობას მიიღებს მომავლის სამიტში, რომელიც გერმანიის ფედერაციული რესპუბლიკის კანცლერის ოლაფ შოლცის და ნამიბიის პრეზიდენტ ნანგოლო მბუმბას ორგანიზებით იმართება" — აღნიშნულია განცხადებაში.

იმავე წყაროს ცნობით, კობახიძეს გაერო-ს გენერალურ მდივანთან, ანტონიო გუტიერეშტან შეხვედრა აქვს დაგეგმილი.

პრემიერ-მინისტრი ოფიციალურ მიღებასაც დაესწრება, სადაც აშშ-ის პრეზიდენტის, ჯო ბაიდენისა და მისი მეუღლის სახელით გენერალური ასამბლეის 79-ე სესიის მონაწილე დელეგაციათა მეთაურების პატივსაცემად გაიმართება.