მექსიკელმა მხატვარმა ტერეზა მარგოლესმა თაბაშირისგან შექმნა ნამუშევრები, რომლებიც ასობით ტრანსგენდერი ადამიანის სახეს ასახავს. ნამუშევრები ლონდონის ტრაფალგარის მოედანზე გამოიფინება და მათ სახეებს ლონდონის მოსახლეობა 18 თვის განმავლობაში ნახავს.

აღსანიშნავია, რომ ნამუშევრები სულაც არ წარმოადგენს მხატვრის ფანტაზიას და ყველა მათგანი რეალისტურია, რადგან ისინი ამ ადამიანების სახეზე პირდაპირ თაბაშირის დადების წესით დამზადდა. სახეები ბუნებრივად შეიცავს თმისა და კანის უჯრედებს.

ფოტო: AP News

მარგოლესმა აღნიშნა, რომ ნამუშევრები იმ საზოგადოების აღიარებისთვისაა შექმნილი,რომლებიც ხშირად მარგინალიზებულნი არიან, როგორც მის მშობლიურ მექსიკაში, ასევე მთელ მსოფლიოში.

ფოტო: AP News

ტერეზა მარგოლესის ნამუშევრები იკვლევს კონფლიქტის სოციალურ და ესთეტიკურ განზომილებებს, ქმნის სკულპტურულ ინსტალაციას, რომლებიც სიკვდილის კვალითაა განმსჭვალული.

ისიც უნდა აღვნიშნოთ, რომ ხელოვანი მეხიკოში, ერთ-ერთ საავადმყოფოში, მორგში მუშაობდა. მის წინა ნამუშევრებზე დიდი გავლენა მოახდინა ნარკოტრეფიკინგის ძალადობის მსხვერპლებმა, რომლებიც მან მორგში ნახა.