დღეს საქართველოს პარლამენტმა ოჯახური ღირებულებებისა და არასრულწლოვანთა დაცვის შესახებ კანონპროექტი მესამე მოსმენით მიიღო. ეს კანონი შეეხება კულტურის ყველა სფეროში მომუშავე ადამიანებს, რაც ნიშნავს იმას, რომ მათ ის გარკვეულწილად შეზღუდავს და ვეღარ შეძლებენ თავისუფლად გამოხატონ და საზოგადოებამდე მიიტანონ საკუთარი შემოქმედება.

აღნიშნულს, სოციალურ ქსელში გამოეხმაურა სამეფო უბნის თეატრის რეჟისორი, დათა თავაძეც.

"ქართულ თეატრს აქვს ძალიან ცხადი ორიენტირი: ან დგება სანდრო ახმეტელის გზაზე, ან მისი მკვლელების!
აქ იმდენად მარტივია დაინახო სწორი გზა, რომ მიჭირს რაიმე გამართლება მოგინახოთ მათ, ვინც ხმას არ იღებთ და გაპატიოთ, კონკრეტულად ჩვენი სფერო ცენზურის დაბრუნებისთვის რომ გაიმეტეთ.
"გავძვრებით" არის სახელმწიფო თეატრების ერთადერთი გეგმა და მათი ყველანაირი პროცესი — წერს დათა თავაძე.